تجربتي في علاج احد الاشخاص من سحر منع الرزق وحالته الميؤوس منها،،

**الشيخ محمد الروحاني** · 04-07-12, 10:02 PM

السلام عليكم ..

يسرني ان اكتب اول موضوع لحاله من حالات العلاج الكثيره للمرضى ولله الحمد ..

ففي يوم من الايام بالسعوديه اتصل بي صديق قديم سوداني قبل شهر تقريبا

قال لي

ياخي فيه عندي زول محامي صديق قديم لي من اكثر من 25عام وضعه متغير ومغلقه جميع الأبواب في وجهه.

قلت عله معمول له سحر عقد ألأرزاق

قال مش عارف لكن ارجو ان تمر عليه ونروح تشوف وش عنده

قلت يا الله الآن أجيك ونروح له

وفعلا مريت عليه ورحنا مباشرة لمكتب المحامي ودخلنا عليه وسلمنا وجلسنا بس في غرفه جانبيه حاطط فيها هذا المحامي شيشه مقاعد يشيش مكسين ولا هو عارف ايش في الدنيا مسكره عليه

والله حزنت عليه من منظر المكتب المهجور مافيه ولا زبون دخل عليه من سنين

بس جالس يشيش ويصلي في المكتب حتى مايقدر يروح للمسجد من قوة السحر اللي فيه

جلسنا نشوف التلفزيون ونسولف سوالف عامه ودخل علينا وقت صلاة العشاء وصلينا وبعد الصلاه همست في اذنه قلت خلك جالس معي شويه وخلي الجماعه يطلعون

وفعلا جلسنا لحالنا قلت وش عندك وشفيك حالك كذا قال والله يا أخي ماني عارف انا لي 8سنين وأنا أوضاعي متغيره فوق تحت والله مكتبي هذا كان يدخل لي من اثنين لأثنين ونص مليون سنويآ والآن زي مانت شايف قاعدين ننش على الذباب .

قلت الصلاة...قال ثقيله عليه

قلت القران قال جبته في رمضان وقريت 3صفحات وماقدرت اكمل وخليته

قلت علاقاتك كيف....قال تشتت حتى مع ابنائي أفترقنا

قلت طيب بقرأ عليك واذا حسيت بشيئ اخبرني

وبدأت أقرأ عليه الفاتحه واية الكرسي مكرره وقلت وش حسيت

قال ثقل على صدري يطبق على نفسي

قلت اذن فيك عله.........قال بالله صحيح ...قلت نعم صحيح وأصلا باين من الوضع العام لك انك مسحور لكن قلت ابتأكد

قال طيب عالجني بارك الله فيك

قلت الآن ان شاء الله ننهي وضعك تماما

قال يا لله انا جاهز

قلت طلع كفك وأفرد اصابعك وضمهم على بعض

وبدأت في الدعوه الخاصه بخدام السبحه وأمرت بأعتقال واحضار العارض وتفريق الأصابع عند حضوره...................وفي اقل من دقيقتين تفرقت الأصابع وحضر الخبيث خادم السحر وهو صاغر بفضل الله وأمرنا بسجنه فورآ فكان ماطلبناه في لمح البصر

قلت له وش حسيت قال الثقل اللي على صدري راح

وقام كأنه نشط من عقال قام يضغط على صدره ويفرد اياديه كأنه دوبه قام من النوم

وقام يشرح لي من جديد عن المعاناة اللي مر بها طول السنين

ومن ضمنها يقول اشتريت مطعم جاهز دخله اليومي 12000 ريال وما أن اشتريته حتى اصبح دخله باليوم لايتعدى400 ريال

ويقول أنه لمن كان ياخذ قضايا ويقف امام القاضي يضيع منه الكلام حتى يحتقره القاضي وتخسر قضيته

حتى طارو الزباين

ولعلمكم هذا المحامي كان من أخطر المحامين واللي يجيه لو عليه رقبه فكه منها بطرق نضاميه وحجج وبينات وكان حقيقه يضرب بشغله المثل ولكن احد يتحداه في مهنته.

يقول كانو يجون ناس يكتبون عقود معي وبعد ايام يلغون العقود بدون اي سبب يذكر.
لله.

يتبع```

**الشيخ محمد الروحاني** · 04-07-12, 10:05 PM

شوفو هذي الكارثه...يقول لمن آخذ معامله فيها فلوس لي تخرب ولمن آخذ معامله وأقوم فيها مجاني تنجح هههه شوفو السحر كيف يلعن والديه شوفو العذاب كيف حسبنا الله

المهم انه قعد يتكلم عن معاناته طول السنين وهذي عادة تكون اللي يكون مسحور وينفك سحره يقعد يتكلم بكثره عن الأشياء اللي حدثت معاه

قلت له عموما أنت الان ماعاد فيك شيئ أبشرك وعشان تتأكد يالله هات المصحف وأبدأ في قراية سورة البقره......والسوداني معانا قاعد يسمع ويرى...واخذ المصحف وقرأ عشرين صفحه من القران........................قلت هاه حسيت بشيئ لا والله طبيعي الوضع فقط الم خفيف جدآ بين اكتافي .................قلت هذا يروح ان شاء الله بعد كم يوم لكن هل شعرت بضيق أو نوم مثل اول ....قال أبدآ الحمد لله

قلت هيا أدعي لي بس انا ما أبغى منك قروش

وجلست أتابع اخباره بدأت العقود تنفتح وبدأ يعمل من جديد وهذا الشخص عمره تقريبا 60عام ماهو صغير مسكين والله محزني يعني لو ربي ما كشف عنه ضره لجلس ألين يموت وهو يحرم عليه مايمسك قرش وحيموت مديون...

طبعا هذا الشخص ذكي جدآ ومميز وطيب وكريم

وهناك حكمه تقول

عظمة العقل تورث الأعداء
وعظمة القلب تورث الأحبه

وان شاء الله سأكتب عن حاله اخرى تم علاجها بفضل الله.

_____________________________________